Reiknikúnstir?

Í dag er 24.1% tekjuskattur,  og neðsta þrepið þeirra Steingíms og Jóhönnu er það sama eða 24.1%

Einsog ég skil þetta þrepaskipta drasl þá er það þannig að það ef þú ert með milljón kall í laun þá borgarðu 24.1% skatt af 200 þúsund kalli, svo 27% af 450 þúsund kalli og svo 33% af rest og svo er persónuafslátturinn dreginn frá.

Ef þetta er rétt hugsað hjá mér,  hvernig í ósköpunum fá þau út að "Einstaklingar sem eru með undir 270 þúsund krónur í tekjur og hjón með undir 540 þúsund í samanlagðar tekjur munu greiða lægri tekjuskatt en þau gera nú." þegar það eru lagður extra 2.9% skattur á 70 þúsund kallinn hjá einstaklingnum og 140 þúsund kallinn hjá hjónunum.

Svo annaðhvort er þetta reiknað af fólki sem féll í stærðfræði eða það eru einhverjar upplýsingar sem vantar hérna.

Þriggja þrepa skattkerfi

Athugasemdir

[Baldur Fjölnisson, 18.11.2009 kl. 17:12]

Brúttóskatturinn á 70 þúsund kallinn hækkar um eitthvað 2000 á mánuði ef ég skil þetta rétt en á móti kemur að skattleysismörkin eiga að hækka um 6000 kr./mán. Þau taka til tekjuskatts og útsvars samanlagðs, þannig að þar virðist þá vera lækkun upp á sirka 2400 (6000x40%) ef við gefum okkur að meðal tekjuskatts- + útsvarsstig sé um 40%.

[Jóhannes H. Laxdal, 18.11.2009 kl. 17:24]

Svo þau ætla að hækka Persónuafsláttinn? og taka nýja persónuafsláttinn með í reiknidæminu og nota það til þess að segja að fólk komi betur út í nýja kerfinu en því gamla.  En Persónuafslátturinn átti að hækka hvorteðer svo hvernig sem þú reiknar þetta þá hefði fólk með 270k í laun komið betur út í gamla kerfinu en því nýja.

[Baldur Fjölnisson, 18.11.2009 kl. 18:26]

Að vísu gleymdi ég að reikna með því að framlag í lífeyrissjóð er dregið frá skattstofni í þessu sambandi þannig að raunveruleg skattleysismörk hækka um 4% vegna þess og um allt að önnur 4% ef um viðbótarlífeyrissparnað er að ræða.

Auðvitað átti persónuafslátturinn )hækkun skattleysismarka) að hækka hvort eð er. En það hefur nú verið undir hælinn lagt hvort hann hefur hækkað á hverjum tíma síðan staðgreiðslan kom til sögunnar fyrir rúmum 20 árum. Í upphafi var hann 11,500 kr. ef ég man rétt og átti skv. lögum um staðgreiðslu skatta að hækka tvisvar á ári eftir hækkun lánskjaravísitölu. Hefði verið farið alveg eftir þessu ætti hann vafalaust að vera töluvert hærri núna en raun ber vitni og skattleysismörkin jafnframt að vera hærri en á móti koma að hluta amk. frádrættir vegna lífeyris.

[Baldur Fjölnisson, 18.11.2009 kl. 19:37]

Frumvarpsdrög að lögum um staðgreiðslu skatta

http://www.althingi.is/altext/109/s/pdf/0596.pdf

og lögin sem síðan voru samþykkt (breyting á lögum um tekju- og eignarskatt frá 1981)

http://www.althingi.is/altext/109/s/pdf/0806.pdf

Hugsunin var að einfalda skattlagninguna og innheimtu skatta, hverfa frá ómarkvissum þrepasköttum og sameina marga frádráttarliði í einum - persónuafslættinum. Eftir þetta 10-15 ár geri ég fastlega ráð fyrir að menn hafi endanlega gefist upp á ómarkvissum þrepasköttum og þá komi fram hugmyndir um staðgreiðslukerfi sem byggist á fastri skattaprósentu fyrir alla launþega og ákveðnum skattleysismörkum.