Hvaða Alheimsógn?

Síðast þegar ég vissi þá er alheimurinn allt sem er í þessari vídd,  þ.e. allar stjörnurnar, vetrarbrautirnar og pláneturnar sem eru í þessum heimi.. og síðast þegar ég vissi þá stafar alheiminum nú engin ógn af "global warming"..

En ég treysti nú IPCC ekki rassgat eftir að hafa lesið um þennan margrómaða 2500 "top scientist" lista.

 Ég man til þess að á þessum lista yfir 2500 "Vísindamenn" hjá IPCC sem gjarnan er talað um sem "hóp hinna bestu á sínu sviði" séu menn sem komu að einhverju leiti að einhverjum verkefnum fyrir þessa nefnd og hafi því verið settir á þennan lista án þess að verða spurðir, og sumir hreinlega gegn vilja sínum og í einhverjum tilvikum séu húsverðir og aðrir aðilar sem seint kallast "vísindamenn" séu á listanum.

Hvort það sé satt eður ei þori ég ekki að fullyrða, en ég hef amk horft á viðtal við 2 menn sem eru á þessum lista þar sem þeir segjast hafa reynt allt til að losna úr listanum án árangurs.

Það er alveg vitað að hitastigið á jörðinni hefur verið að hitna undanfarið enda erum við á leið á hitaskeið í miðri ísöld, hinsvegar þær tölur og tölfræði sem maður hefur séð og heyrt eru oftast ýktar til hins verra, enda hluti af þeim leiðum sem er notað til að bera saman hitastigið er meingallað og margir sjálfstæðir "vísindamenn" hafa gagnrýnt það.  Sem dæmi þá er "Urban Heating" vanmetið í mörgum tilvikum, og "langtíma" hitamælar, sem eru notaðir víða í bandaríkjunum sem hafa mælt hitastig síðastliðin 50 ár ekki lengur gild vegna umhverfisástæðna..  þ.e. þeir eru staðsettir þar sem utanaðkomandi áhrif skekkja niðurstöðuna (t.d. nokkrir staðsettir á bílaplönum,  við útblástur frá Air Conditioning tól og fleira í þá áttina)en samt sem áður er tekið fullt tillit til niðurstaðna úr þeim.

Við erum bara með "nákvæmar" hitamælingar síðan farið var að mæla þetta með gervihnöttum, og þar eru ennþá skekkjumörk útaf t.d. urban heating.

Þeir sem eru fylgjandi þessu global warming af mannavöldum hafa oft kastað fram þessu grafi (eða svipuðu allavega

 

og þessu líka (eða svipuðu allavega)

 

En hérna er eitt sem þið kannski hafið ekki séð,  en þetta er svipað graf nema með áætluðum skekkjumörkum.

Við erum að tala um breytingar á hitastigi, sem eru innan við 1°c á 120+ ára tímabili.  Og tölurnar í byrjuninni eru með ca 0.5°c skekkjumörkum..    Er hægt að taka þetta graf það alvarlega?.

Hérna er smá annað líka sem er ekki oft talað um.   Hvað er gróðurhúsalofttegund?..  jú það er Lofttegund sem kemur í veg fyrir að geislar (hiti) frá sólinni endurkastast frá jörðinni og helst því lengur inní hjá jörðinni.. hérna er mynd sem ætti að útskýra þetta.

Hvaða lofttegundir flokkast undir gróðurhúsalofttegundir?  Jú hið vonda CO² meðal annars,  en svo eru það líka Metan gas (sem beljur framleiða meðal annars), Niturgas (Nitrogen Oxide) og svo Vatnsgufa (Water Vapor) sem á til að gleymast oft.

Hvað ætli CO² sé stór hluti af gróðurhúsalofttegundum.  50%?..  nei reyndu aftur,  30%?,  nei ..  það er ekki 20%,  ef þú sagðir 10% þá ertu nálægt því.   CO² er innan við 5% af öllum gróðurhúsalofttegundum, eða um það bil 3.5-4%.  95% af öllum gróðurhúsalofttegundum er Vatnsgufa (Ský ef þú vissir það ekki), Metangas og Niturgas er ca 1% og aðrar lofttegundir fylla restina.

 Hvað er mikið hlutfall af CO² í loftinu af mannavöldum?...   50%?.. nei minna,  40%? .. nei ekki svo mikið, ekki 30% né 20% ..  undir 10%.

Það virðist nefnilega oft vera þægilegt fyrir "dómsdagsspámenn" að "gleyma" vatnsgufunni,  en við Mennirnir höfum nú ekki teljanleg áhrif á það.

Hvernig væri að hætta að eyða milljörðum í þetta global warming rugl og fara að eyða peningnum í eitthvað gagnlegt,  einsog geimrannsóknir því fyrr eða síðar þá munum við þurfa að yfirgefa Jörðina útaf einhverri alvöru heimsógn sem ógnar jörðinni (ekki alheiminum).

Rannsaka alheimsógn

Athugasemdir

[Gullvagninn 23.2.2009 kl. 22:20]

Alveg rétt hjá þér.  Eitt enn, meira CO2 gerir plöntum auðveldara að vaxa, þannig að í raun "kolefnisjafnar" jörðin sig sjálf.  Baráttumenn fyrir "grænu" málunum horfa svo blinda auganu á alvöru vandamál, svo sem fikt í genamengi plantna og dýra, allskyns kjarnorkusull og vísindi með engan praktískan tilgang (CERN svartholstilraunirnar).

Hver er þá tilgangurinn með öllu þessu glóbal warming bauli?  Skattheimta.  Svo einfalt er það, við eigum að greiða sameinuðu þjóðunum (heimsstjórninni) fyrir allar okkar gjörðir. 

[Halldór Björnsson 24.2.2009 kl. 10:42]

Það er merkilegt hvað hún er langlíf mítan um að borgarhlýnunin (UHI) sé ástæða þess að meðalhiti jarðar fer hækkandi.

Það er auðvelt að reikna og teikna kort af hitabreytingum, sjá t.d. 

http://www.ipcc.ch/graphics/graphics/ar4-wg1/jpg/fig-3-9.jpg

Því  fer greinlega  fjarri að hlýnunin sé bundin við borgarkjarna.

Önnur leið til að skoða sama er að reikna meðalhitan með og án gagna frá borgum. Munurinn er mjög lítill.  

Kv.

[Jóhannes H. Laxdal, 5.3.2009 kl. 20:21]

Hver var að tala um að Borgarhlýnun væri ástæða fyrir vaxandi meðahita Jarðarinnar? ég kom frammá að hún skekkti niðurstöður svo við erum ekki með nákvæmar mælingar.

 Það er eðlilegt að hitastigið á jörðinni sé flöktandi, annars væri engin vísindaleg ástæða fyrir því af hverju við höfum fundið ummerki um Ísaldir, þ.e. mikil kuldaskeið mörg þúsund ár aftur í tímann. Það er nú svolítil fásinna að þræta fyrir það að jörðin sé að hitna núna (enda bendir allt til þess að við séum að koma útúr ísöld eða amk á hitaskeiði milli ísalda),  en hún er ekki að hitna jafn mikið eða jafn hratt og margir af þessum dómsdagsspámönnum halda fram og við höfum ekki jafn mikil áhrif á þessa hlýnun heldur einsog viðkomandi aðilar halda fram. Við höfum hverfandi lítil áhrif á gang náttúrunnar í þessum efnum.

 Hinsvegar er alveg göfugt að reyna að halda útblæstri á CO² í sæmilegu jafnvægi, enda er það ekki gott fyrir öndunarfæri mannskepnunnar,  en hinsvegar hefur þessi krossför gegn CO² farið of harkalega fram og með atferli sem jaðar við fasisma.

Þetta mál hefur að mínu leiti einfaldlega snúið um þá hræsni að halda því fram að Mannskepnan sé valdurinn að því að hitastigið á jörðinni fari hækkandi.