Athyglisvert útspil

Þessi setning í fréttinni er nokkuð athyglisverð.

"Ástæðan fyrir því að Seðlabanki og Fjármálaeftirlitið sendu út tilmælin í dag er sex mánaða uppgjör bankanna en öðrum ársfjórðungi lýkur í dag. Að öðrum kosti hefði uppgjör þeirra verið í lausu lofti."

 Þannig að ákveðið var að miða við "bestu" lausnina gagnvart lánveitendum til að Ársfjórðungsuppgjörið myndi lýta betur út?

Í staðinn fyrir að setja úrlausn á þessu máli í flýtimeðferð hjá Hæstarétti þá var bara ákveðið að miða þetta við það sem er best fyrir lánveitendur og láta þetta svo fara venjulega og tímafreka leið í gegnum dómskerfið svo það kemur ekki endanleg úrlausn fyrr en eftir marga mánuði.

Athyglisvert útspil hjá FME og Seðlabankanum.

Niðurstaða dómstóla í haust

Athugasemdir

[Bjöggi 30.6.2010 kl. 13:57]

Neinei, það er verið að fara milliveginn gagnvart lánveitendum. Lánveitendur vilja fá verðtryggða vexti (5-6% + verðbólga sem er ca 6%), á meðan seðlbankinn talar um óverðtryggða markaðsvexti sem eru 8,5%.

Mér finnst eðlilegt að miða við markaðsvexti þangað til það er skorið úr um lögmæti vaxta á þessum lánum og aðra hluti. Eins og staðan er í dag er einungis búið að skera úr um lögmæti (eða ólögmæti) gengistryggingar, ekki annara þátta.

[Gunnar Heiðarsson, 30.6.2010 kl. 13:58]

Hvernig í ósköpunum gerir þetta sexmánaða uppgjör bankana betra? Efinn er enn til staðar, það hlýtur að koma fram í uppgjörinu!!

Hugsar Gylfi kannski bara til eins mánaðar í einu, eða veit hann að stjórnin lifir ekki sumarið af og er því slétt sama hvernig uppgjör seinnihluta ársins verður?

Meðan ekki hefur verið dæmt í þessu fyrir dómstólum, hljóta bankarnir að verða að taka þetta með í uppgjöri. Því spyr ég aftur; hvernig í ósköpunum gerir þetta sexmánaða uppgjörið betra?!!

[HH 30.6.2010 kl. 14:14]

Tek undir með Gunnari Heiðarssyni og spyr hvernig þessi ákvörðun geti bjargað uppgjöri bankanna ? Óvissan verður áfram til staðar og dettur einhverjum í hug að endurskoðendur muni ekki vilja færa varúðarreikning í uppgjörinu og geta um óvissuna ? Hvað er að þessu fjölmiðlafólki kann það ekkert ? Af hverju spyr enginn fjölmiðlamaður Gylfa Magnússon nánar út í hvernig þessi milliliekur Seðlabanka geti bjargað milliuppgjörum fjármálastofnana ? Blaðamenn rekið nú af ykkur slyðruorðið og spyrjið Gylfa út í þetta og spyrjið endurskoðendur líka hvort þetta bjargi því að þeir geti horft framhjá óvissunni af öðrum dómi ? Eitt af vandamálum Íslands er fjölmiðlafólk með litla þekkingu og lítið sjálfstraust þegar stjórnvöld eru annarsvegar.

[Jóhannes H. Laxdal, 30.6.2010 kl. 14:34]

Ef þeir miða við samningsvexti þá kemur það verr út fyrir þá heldur en ef þeir miða við vexti seðlabankans, 

Orðalagið í þessum tilmælum er svoldið óvís :

"..af lægstu vöxtum á nýjum almennum óverðtryggðum útlánum eða ef verðtrygging er valin lægstu vöxtum á nýjum almennum verðtryggðum útlánum.." 

Þannig að lánafyrirtækin geta þá ákveðið hvort þeir verðtryggi upphæðina eða ekki ?

En auðvitað munu þeir hafa fyrirvara á þessu en tölurnar og línuritin er það fyrsta sem fólk sér og því kemur þetta betur út fyrir þá.

[Þorsteinn 30.6.2010 kl. 22:37]

Þarna hitti HH naglan á höfuðið....hvað er þetta með fjölmiðlafólk í dag...hvers konar spurningar eru þetta sem þeir láta út úr sér??